Qualitiativ héichwäerteg Servicer

Fir der qualitativ héichwäerteg Servicer ze bidden, engagéieren ech mech fir permanent Weiderbildung ze maachen. Momentan bidden ech eng Pallette vu Servicer, déits de hei entdecke kanns. Zousätzlech kommen et an den nächste Méint nach aner Servicer derbäi.

Wat ech ubidden:

• Droberodung
  Ech hëllefen der dat richtegt Droduch / déi richteg Drohëllef fir dech an däi Bëbee erauszesichen a léieren dech séchert, bequeemt an einfacht Droen.
• Doula Begleedung
  Als Doula bidden ech der emotionalen a praktesche Support wärend der Schwangerschaft, der Gebuert an den éischte Woche mat dengem Bëbee. Mäin Zil ass et, dech mat Empathie an ouni Urteel ze begleeden, fir dass du dës Zäit sou entspaant wéi méiglech erliewe kanns.
• Hypnobirthing
  Eng ganz Pallette u Methode fir dech mat Technike wéi Ootmungen, Meditatiounen, Visualisatiounen, op eng natierlech Gebuert ze preparéieren. Du kanns all Gebuert just eng Kéier erliewen, et ass et also derwäert sech fréi mam Thema auseneen ze setzen.
• Mother Blessing
  E wonnerschéint Ritual dat den Iwwergang vun der Fra zur Fra & Mamm féiert. Déi schéinsten Aart a Weis senger Schwangerschaft Äddi ze soen a sech op déi bevirstoend Gebuert anzestëmmen. Dës Zeremonie gëtt am Krees vun denge Léifste geféiert.

Ech sinn hei, fir all deng Froen ze beäntweren, individuell Rotschléi ze ginn an dech op dësem schéiner Rees an d’Mama-Sinn ze begleeden. Fill dech fräi, mech ze kontaktéieren, fir ze beschwätzen, wéi ech der hëllefe kann däi Bëbee als neie Member a vun denger Famill mat vill Freed ze begréissen.