Iwwert wat gëtt konkret am Kuer geschwat :

• Physiologie bei der Gebuert (wéi schaffen d’Muskelen an d’Hormoner)
• Eng positif Astellung zur Gebuert
• Wéi de Wéih bei de Kontraktiounen der hëlleft a firwat en net mat all Mëttel soll ausgeschalt ginn
• De Gebuertsverlaaf (wat sinn déi verschidden Etappe vun der Gebuert)
• D’Roll vun denger Gebuertsbegleedung a firwat déi Roll sou wichteg ass
• Efficace a respektvoll Kommunikatioun mam medezinesche Personal
• Firwat ass d’Ëmfeld an deem däi Kand op d’Welt kënnt sou wichteg
• Preparatioun vun dengem Partner / denger Partnerin op hier Roll wärend der
• Gebuert (mat engem nëtzlech Memo fir d’Partner/In)
• Mir schwetzen iwert d’WocheBETT. Wéi kanns de dës Zäit preparéiere vir datt et sou stressfräi wéi méiglech gëtt. Firwat ass dës magesch Phase sou wichteg fir d’Bindung mat dengem Bëbee, fir dech a fir däi Kierper
   

Wéi eng Tools kriss de mat op de Wee :

• Otemtechniken
• Meditatiounen
• Visualisatiounen
• Ankeren
   

Mat abegraff am Präis vum Kuer sinn :

• E Workbook mat villen nëtzlechen Infos a vill Platz fir deng eege Gedanken. Sou kanns de dech ganz op de Kuer konzentréieren a brauchs net alles matzeschreiwen.
• Selwer ageschwaten Meditatioune fir dech virun a wärend der Gebuert ze ëntspaanen.